°•.♥.•°كلمه وعجبانى°•.♥.•°

عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق !!!وعجبي

7:41 ص

خربوها

خربوها





الأوله آه

والتانية … آه

والتالتة ... مفيش

معنديش

نفسي أقول آه

معنديش

قالوا إقلعوا

قلعنا

ومفيش بتعكوا

وبتاعنا

وصار متاعهم .. متاعنا

وألف مرة إتلسعنا

و برضك مفيش

الأوله …آه

والتانية .. آه

والتالتة ... مفيش

قالو إبصموا

بصمنا

ده بكرة سكر

وسمنا

سيبنا غيرنا رسمنا

إتقسمنا

على اد ما فينا من جراح

ابتسمنا

الأولة .. والتانية .. والتالتة

مفيش

الدنيا هاصت .. وهيصنا

ريحنا لما .. تيسنا

تاه الطريق من اتوبيسنا

يئسنا

لا عرفنا ليه قلعنا

ولا عرفنا

إيه لبسنا

الأوله والتانية والتالتة مفيش

واهى ماشية تجرى المسائل

ولا حد سائل

تصحى مرسي

ينام وائل

ده انا كنت واد م الأوائل

وكنت شاطر شطارة

وكنت فن .. وعمارة

وكنت صاحب تجارة

معرفش إيه اللى صابنى

فى قلبى ضاعت سمارة

خربوها

خربوها ولاد القطقوطة

لا طرحت باميه ... ولا قوطه

وسابوها فى سرير مربوطه

و يا ريتهم طلعم رجاله

و يا ريتها رايقه .. ومبسوطه

خربوها

دول سرقوا الهوا ... والضى

ويا عينى ... عليها بلد

يا ريتها ما قالت أى

ويا ريتها ما جابت ولد

خربوها

دول سرقوا النخلتين .. والنهر

والمدرسة

والهندسة .. والجبر

سرقوا الشوارع ... والمعانى

والأغانى

وسيد درويش .. والريحانى

سرقوا المشاعر .. والمزاهر

والبخور

سرقوا الحزن

سرقوا حتى القبور

خربوها

دول سرقوا الطيب .. والزين

وسرقوا …الكحل من العين

وسابوها تاكل بالدين

وان يوم أتعدلت

عوجوها

خربوها ولاد ال .....

خربوها


علي سلامة

:-)

0 التعليقات:

إرسال تعليق